夏雨乖乖仔黃奕晨（Dixon），除咗被ViuTV重用主持多個節目，佢嘅感情生活原來都好愉快，佢同圈外女友JencciYeung拍咗拖半年，女友噚晚就喺Instagram放閃，貼咗佢哋十指緊扣咀嘴相，大晒sweet，背景仲有幸福摩天輪。

《蘋果》今日打畀Dixon，問佢同女朋友點識，佢大方咁答：「我哋係經一班朋友識嘅，識咗都一、兩年，不過都冇乜嘢交流，有次萬聖節傾傾吓發覺幾啱傾就一齊。」呢對小情侶，間唔中會喺Ig貼吓生活相晒恩愛。

Dixon話噚晚同女友玩煮飯仔慶祝，佢話：「去咗買餸煮飯，同埋一齊係喺屋企整咗曲奇，諗住今日錄影《一大一路》，請啲小主持一齊食。」Jencci係咪轉台睇ViuTV撐男友，Dixon話：「日日睇。」佢帶咗女友見家長未呀？佢話：「當然未啦，打算穩定啲先見家長。」Dixon話爹哋夏雨成日提佢事業為重。