藍絲界KOL曹永廉冇人識 陳健安遭點錯相：感到受寵若驚

蘋果日報 2020/09/22 18:20

陳健安曹永廉藍絲界KOL趙學而
    藍絲界KOL、被視為「藍血人」指標嘅曹永廉（Forever cheap），在藍營地位舉足輕重，一句說話就可以認證對方係咪「自己人」，所以無論永廉講啲咩，或者同咩人影相，永廉的追隨者們都會非常在意同緊張。今日就有一張WhatsApp對話截圖流出，內容疑似係永廉的追隨者「華哥仔」，同朋友分享一張「永廉」與趙學而的合照，他說：「又話趙學而點貼地點發聲，麻（咪）又要痴（黐）埋我地（哋）曹永廉影相。」
    empty
    華哥仔跟友人的對話內容被截圖放上網。（IG圖片）
    但其實截圖內、所謂的「曹永廉」，真身其實係組合C AllStar成員陳健安（on仔），當然「華哥仔」位朋友亦知道「華哥仔」擺烏龍，所以就糾正對方：「華哥仔，呢個係C AllStar陳健安。」知道自己認錯人，踢開波嘅「華哥仔」就即時扭波咁將個話題扭開：「講第二樣la（啦），幾時踢波。」相當機靈。
    呢張咁富趣味性嘅對話截圖，輾轉流入當事人on仔手中，佢今日就將截圖上載到IG，留言話：「多謝親朋戚友喺我做尖（gym）做到好攰嘅時候畀我唞唞。實在感到受寵若驚，並已稍稍拭乾眼淚。」之後on仔仲不忘叫大家留意ViuTV今晚播出嘅節目《Chill Club》，他說：「一驗真身，看清真相。」被老屈嘅趙學而晚上就轉發on仔嘅Facebook，興奮哋落tag玩埋一份，話「#我好想瘋狂咁叫你個名呀曹永廉」、「#做尖又好演唱會又好都要加油呀曹永廉 」。
    其實認錯人事件偶有發生，最經典莫過於有網民在球場上將許志安認錯做杜德偉，當時該網民將自己同安仔嘅合照post上網，留言話：「杜生真係好寸，叫極佢都唔應。」
    empty
    on仔早前與趙學而為ViuTV錄影音樂節目。（IG圖片）
    empty
    on仔亦有share這則爆笑對話（IG圖片）
    empty
    介紹返，呢位係曹永廉。（IG圖片）
    -----------------------------
    《蘋果》英文版免費試睇：了解更多
    英文版已登錄《蘋果》App，立即下載/ 更新：iOS / Android
    -----------------------------
    支持蘋果深度報道，深入社區，踢爆權貴，即Like蘋果專題及調查組FB專頁！