何韻詩同黃耀明等成立嘅「大愛同盟」，今日都參與7.1遊行，佢哋喺軒尼詩道擺街站，何韻詩，明哥同盧凱彤現身支持派傳單。

因為天雨關係遲咗半個鐘開始，三人都無懼落雨，亦有好多人圍觀。明哥話：「爭取大家支持反性傾向歧視法盡早立法，呢啲一切唔公平都係來自一個無代表性政府，所以趁今日七一遊行爭取普選，一日無普選一日無平等。」

何韻詩話：「之前一直講平權，今日出嚟希望再進一步對同性婚姻有支持，雖然之前一直冇講婚姻嘢，不過希望全部人都有普通人權利。」明哥接住話：「呢一步更加漫長，不過見到大潮流邁向緊，之前美國法院有合法訴訟都係一個鼓舞。」

咁到可以做啲咩俾壓力政府，立法會議員何秀蘭話：「其實直嘅人需要人陪伴終老，孿人都要，所要要盡快平權，CY上年差啲推行諮詢，不過畀保守政治壓力影響咗。」明哥繼續話：「今日企出嚟已經係做緊嘢，會行一段，主要企街站。」

盧凱彤就話：「自己一陣都會行少少，今日嚟主要支持明哥同阿詩，唔怕自己性傾向被質疑，今日支持大愛同盟，唔需要公開自己性取向，今日參加活動幫弱勢社群及幫性傾向受歧視人爭取權利。」



緊貼7.1資訊，請瀏覽《蘋果》7.1專頁： http://71.appledaily.com/