武漢肺炎疫情為香港帶來嚴峻的經濟窘境，失業率大升至5.2%，人心惶惶。疫情漸見好轉之際，各行各業苦苦掙扎，力求追回上半年的經濟損失；然而，客運量一度跌至3%的航空業卻未能跟上其他行業的復蘇步伐。職工盟統籌幹事王宇來更以「史無前例」、「冰河時期」來形容航空業的現況，比03年沙士時間嚴重得多。另一方面，普羅大眾對航空業的發展亦紛紛看淡，感慨「今時唔同往日」，有原本欲投考空中服務的大學畢業生亦無奈「打退堂鼓」。

職工盟統籌幹事王宇來表示，在疫情肆虐下，除了建築業、飲食業、零售業外，與旅遊相關的行業，包括航空業和酒店業，失業率比政府公布的5.2%更為高。其中航空業雖然暫時沒有大規模裁員，但不少航空業從業員面對「開工不足」的苦況。以國泰航空為例，疫情至今，客運量僅從3%上升至5%，大批空勤人員至今依然「冇工開」。他指，現時航空業面對的困難比2003年的「沙士」時期嚴重得多，「所受嘅打擊係史無前例，我哋係從來都未見過咁嚴重」。

他續指，隨着香港疫情緩和，零售業和飲食業等情況有好轉跡象，「但航空業唔能夠淨係睇香港，要係睇全球疫情嘅走勢」。他觀察到北半球的疫情開始緩和，但處於冬天的南半球疫情卻變得嚴重，巴西已變成繼美國之後最多人受感染的國家，「航空業會隨着唔同國家疫情嘅變化而受影響，未來都唔知道究竟個疫情會唔會有第二波，甚至第三波，咁嘅反反覆覆情況下，航空業復蘇嘅前景可以講話係遙遙無期。」

多年來，香港一直被視為航空運輸的樞紐，連接中國內地與世界各地，但這重要地位或會因是次疫情而動搖，因為政府的援助只聚焦於公司層面，忽略了真正的苦主，即一眾正苟延殘喘的空中服務員，進一步降低整個行業的士氣。王批評，政府於「抗疫基金2.0」推出針對航空業的措施（包括免泊位費和幫航空公司買機票等）；然而，原來有空中服務員「收入已經減到少無可少嘅地步，差唔多有啲人嘅收入係低過貧窮線」，其苦況卻偏偏被忽視，變成「孤兒仔」。他指，政府有必要正視問題，否則，「航空樞紐嘅地位將會被挑戰，而當中牽涉到唔單只係幾萬個嘅崗位，仲係幾萬個嘅家庭。」

今年大學畢業的陳小姐認為航空業復蘇需時，自己與身邊的朋友於短期內不會考慮投身航空業界。「始終航空業唔係受自己一個國家嘅政策影響，而係好多地方嘅政策都會影響到飛嘅航空班次，所以可唔可以復蘇就係睇全球（情況）比較多，而唔係淨係睇香港」，她認為疫情的不穩定性增加航空業的運作風險。

另一畢業生周小姐則表示，疫情雖逐漸冷卻，但大部份人在短時間內難以重搭乘搭飛機的信心，「咁多人密集喺架飛機度，驚啲人有去過湖北，去過唔同嘅地方」。她續指，自己本身有朋友從事航空業，但疫情期間一直被「cut更」，亦有今屆畢業的朋友本身就讀航空業出身，欲投考空中服務員，但現需把計劃擱置。她為行業的發展感到憂慮，認為「今時唔同往日」。

本身計劃於復活節假期前往日本旅遊的Mic謂，即使航班復飛，他亦不會考慮到外地旅行。對於航空業的發展前景，他認為疫情重創整個行業，「其他行業都會有no pay leave（無薪假），會少咗錢，但係航空業應該係最犀利」。他期望疫情過後，航空業能逐步復蘇，不至於一蹶不振。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568