達明一派昨晚在伊館舉行第3場演唱會，每晚同路人坐滿場館睇騷，繼前晚王婆婆送花後，昨晚黃之鋒、周庭、區議員袁嘉蔚、羅冠聰媽媽、慢必等現身撐場，明哥特別獻唱《自由之夏》為面臨審訊的之鋒和周庭打氣，並在社交網貼合照祝福：「天佑香港的好孩子」。

明哥在台上說：「我想唱呢隻歌《自由之夏》，送畀下星期要再面對審訊嘅周庭、之鋒，你哋為香港人做咗好多嘢，無錯，嗰啲上咗岸嘅人，唔可以淨係話我哋靠下一代，上咗岸嘅人要加入佢哋行列，我希望你哋可以安然度過一切艱難，我希望可以喺下一個concert都睇到你哋。同埋慢必話，快必想快啲出嚟睇（騷），當然仲有好多其他人，一啲被送中嘅人，我哋都冇忘記佢哋，每一個人喺唔同崗位做過嘅事，佢哋都係為香港人做事，為香港人加油。」台下掌聲如雷。

而羅冠聰媽媽亦有捧場，明哥特別獻唱《今天世上所有地方》給羅媽媽及一眾流亡義士，氣氛感人。流亡英國的羅冠聰在社交網貼明哥合照，留言：「無論在世界哪個地方，都惦記着你的歌聲和仁心。相信我們很快便會再見的！」

周庭亦在社交網貼達明的演唱相，寫道：「人生第一次睇香港歌手嘅演唱會」，而黃之鋒不但送上紅玫瑰，更在社交網撰文抒發感受，「喺國安法之下嚟到呢個演唱會，別具意義，而咁多首歌裏邊，我最鍾意嘅仍然係《天問》，即使天不能問，我哋都要繼續講我哋應該要講嘅嘢。」

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！