憑韓劇《麵包王金卓求》而走紅的韓國花美男尹施允，佢於前年4月入伍，唔經唔覺佢就快完成兵役，據知佢會於本月27號退役。

不過退役在即嘅尹施允就要面臨同所屬嘅taxient事務所嘅合約問題，據了解尹施允嘅合約即將到期，但佢公司就話雖然佢哋合約即將到期，但係目前雙方仍未討論續約嘅問題，相關人士話尹施允離開公司嘅可能性甚高。

而唔少男星退伍後人氣都不及以前，估計尹施允想簽約新公司，等退伍後嘅事業可以好好發展。