有「港獨之父」之稱嘅前特首梁振英,日前突然又喺facebook提港獨問題,話𠵱家係「理論港獨」階段,必須以理論反駁。689呢篇挑機文引嚟港大法律系副教授戴耀廷撰文回應,話佢都同意𠵱家應就港獨進行理論大辯論,更向689下戰書,希望同689同場辯論港獨問題,仲反挑689有冇膽量同佢辯論。
689係fb用FCC請陳浩天出席午餐會件事做引子,話港獨以溫水煮蛙手法宣傳,又話𠵱家係「理論港獨」階段,扎根之後就會「枝繁葉茂」,所以現在就要用理論反駁。佢仲燒埋戴耀廷,話當年戴喺報章發表呼籲佔領中環文章,社會都冇諗過一年幾後會發展成一場曠日持久佔中運動!