【又驚玻璃心?】TWICE 6月強攻日本 日媒稱子瑜來自「中國台南」
周子瑜TWICE
韓國人氣女團TWICE喺韓國發展已經相當穩定,所以佢哋今年就銳意強攻日本,今日宣佈將會喺6月28號正式喺日本出道。
不過17歲台灣成員周子瑜嘅國籍問題又再次成為焦點,當中去年年頭子瑜陷入「台獨風波」,搞到被大陸網民杯葛,最後子瑜喺壓力下拍下「被道歉」影片,令子瑜成為風頭人物。
而近日為準備強攻日本嘅TWICE就已拍下宣傳片,當中富士電視台亦有採訪佢哋,子瑜仲有講咗句日文:「我肚子餓了」,令粉絲笑爆嘴,大讚子瑜好可愛。不過有網民就發現富士電視台介紹子瑜時就以「台灣出身」來形容佢,但另外有啲日媒就似乎擔心大陸網民嘅玻璃心,所以介紹子瑜時就刻意喺前面寫上「中國台南市」,令網民喺網上議論紛紛。