「結婚頭一年佢對我好好，但之後佢因為成日冇工開，心情唔好，就攞我兩母子出氣，我又唔敢報警，只係自己攞啲藥酒捽吓就算。」阿玲說。
惟她啞忍的態度卻令丈夫變本加厲，為免演變成悲劇，她遂向社工求助，並於去年五月入住和諧之家。
未獲搬遷津貼
數月後她與兒子遷出這短暫的庇護所，租住一唐樓板間房，但衞生環境卻異常惡劣，令抵抗力薄弱的兒子經常生病，阿玲遂於早前另覓新居。
「呢度空氣好好多，仔仔住得好舒服，不過因為社會福利署話冇得畀搬遷津貼，我惟有喺綜援金度撥出嚟交水電同埋屋租按金，𠵱家都唔知點樣捱到下個月。」阿玲歎道。
無能力買奶粉
記者所見，阿玲的新居可說是家徒四壁，客廳只擺放着一個由社會服務機構送贈的雪櫃，睡房內亦欠缺睡牀，只以一張薄薄的牀褥「打地鋪」，衣服和雜物胡亂放滿一地。
「張墊褥好薄，夜晚瞓覺時個背脊都涼浸浸，所以我都要同仔仔着多幾件衫，怕佢冷親。」阿玲歎道，現時她只剩數百元，沒錢為正值成長時期的峯峯買奶粉，峯峯一日三餐大多只吃白粥和雞蛋。
「一罐奶粉要百幾蚊，仔仔一個月起碼要飲兩、三罐，𠵱家咁嘅環境，我根本冇能力負擔，仔仔已經好耐冇飲奶，佢以前面色好紅潤，𠵱家就面青青，我都驚佢唔夠營養。」阿玲說。
蘋果日報慈善基金有見阿玲的情況，即時撥款五千元，紓其困境。阿玲尚欠睡牀、衣櫃、餐枱及餐椅等家具和電器，有待善長捐贈。
捐款編號：C0447
暖流熱線
電話:29908688
傳真:23702192
電郵:[email protected]
網址： http://www.charity.atnext.com