向海嵐、楊思琦、譚小環及李綺虹四位前港姐，最近為ViuTV主持旅遊節目《香港親善小姐》，譚小環將與李綺虹遊走東京；向海嵐與楊思琦潮遊韓國首爾，她們卸任後各自經歷人生轉變，節目中細訴參選時的趣聞及往後的人生點滴。

後日播出的一集，向海嵐與楊思琦到訪模擬監獄，穿上囚犯制服及交出手機，「囚禁」的半小時中，藉靜思排解壓力。向海嵐憶述有次頭髮上出現有兩個洞，求醫後才知是壓力的表徵。回想壓力來源，向海嵐不禁感觸落淚：「可能身邊人諗得我太完美，所以我好驚會丟佢哋架，會唔會做得唔夠好？要達到佢哋嘅標準，可能呢啲就係壓力！」面對壓力，她會選擇放任地大哭一場：「可能我自己一個人，又冇兄弟姐妹，有陣時有壓力唔可以同爸媽講，驚佢哋擔心，所以會收埋。」

而楊思琦回想昔日參選港姐後的經歷，一臉從容說：「當選後會有好多狗仔隊跟住，我又唔會抗拒人哋叫我『屋邨港姐』，事實我真係屋邨到長大，唔會介意人哋用呢四個字形容我。」

-----------------------------
蝙蝠俠誕生80周年
點擊即睇85頁經典大回顧
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇