搬返屋企添家品
吳綺莉帶小龍女買枕頭
蘋果日報 2015/06/03 00:00
【柏寧酒店】吳綺莉（Elaine）自3月中涉虐女被捕後，同15歲囡囡卓林關係時好時壞，卓林由初時搬去同契媽住，之後已經搬返大埔屋企，只係早前Elaine因為唔鍾意卓林飲啤酒，兩母女又起爭執，Elaine仲嬲到走去卓林學校，表明不滿學校贊成卓林離家出走，上月10號母親節，Elaine亦話冇同囡囡一齊過。
不過，兩母女最近已經和好如初，繼早前Elaine特登去機場接喺瑞士遊學返港嘅卓林後，前日輪到卓林做孝順女，陪媽咪去銅鑼灣行街，其間Elaine仲因為唔識路，開口問記者㖭！
不過，兩母女最近已經和好如初，繼早前Elaine特登去機場接喺瑞士遊學返港嘅卓林後，前日輪到卓林做孝順女，陪媽咪去銅鑼灣行街，其間Elaine仲因為唔識路，開口問記者㖭！
【目標清晰】
吳綺莉同卓林睇咗好多款式嘅枕頭，最後扑鎚買咗其中一個。
吳綺莉同卓林睇咗好多款式嘅枕頭，最後扑鎚買咗其中一個。
【研究耳機】
卓林好留心睇耳機，有時仲試戴。
卓林好留心睇耳機，有時仲試戴。
【孭戰利品】
年輕有力嘅卓林好乖女，全程孭起購物袋，又幫媽咪拎住心儀嘅膠盒。
年輕有力嘅卓林好乖女，全程孭起購物袋，又幫媽咪拎住心儀嘅膠盒。
【急急走人】
吳綺莉母女好快買完就走人，卓林仲幫媽咪拎嘢。
吳綺莉母女好快買完就走人，卓林仲幫媽咪拎嘢。
早定購物目標
前日黃昏6點半左右，Elaine揸車載卓林去銅鑼灣，卓林最初見到記者有啲避忌，第一時間用手遮臉同彈開，反而Elaine就表現輕鬆，仲全程笑笑口。記者問佢同卓林𠵱家關係點樣？佢就邊行邊答：「OK呀！OK呀！」
Elaine母女去到HMV極速去搵想買嘅嘢，卓林主攻耳筒，Elaine就搵DVD，最後Elaine好快咁買咗兩隻DVD就走人，然後轉行附近嘅大型傢俬舖。兩母女同樣目標清晰，一入店即去咗揀枕頭，然後Elaine買咗少少收納用嘅膠盒，兩人就急急腳畀錢走人，卓林仲好乖，主動幫媽咪拎晒所有嘢，然後兩人就去停車場攞車返屋企喇！
採訪、攝影：畢紹基、吳耀輝
Elaine母女去到HMV極速去搵想買嘅嘢，卓林主攻耳筒，Elaine就搵DVD，最後Elaine好快咁買咗兩隻DVD就走人，然後轉行附近嘅大型傢俬舖。兩母女同樣目標清晰，一入店即去咗揀枕頭，然後Elaine買咗少少收納用嘅膠盒，兩人就急急腳畀錢走人，卓林仲好乖，主動幫媽咪拎晒所有嘢，然後兩人就去停車場攞車返屋企喇！
採訪、攝影：畢紹基、吳耀輝