日前捲入性騷擾風波嘅元祖歌手李真路，今日就到咗首爾龍山警署接受調查，佢現時被傳媒包圍，但喺現場就未有回應事件。

李真路曾於90年代紅極一時、與「韓國歌壇教父」徐太志及YG老闆楊賢碩組合「徐太志和孩子們」，現年49歲嘅李真路被指控本月25號凌晨3時喺首爾梨泰院某夜店向兩名女性搭訕被拒，李真路就趁兩女唔為意時從後抱抱佢哋，又對佢哋上下其手。

而早於2002年李真路曾帶一名喺夜店認識嘅女子到錄音室並對對方性騷擾，當時已經被立案，唯當時雙方進行和解。