蒙面歌手龍小菌除罩現真身後極速被人肉起底，佢之前教書，當然讀過教育學院啦，今日龍小菌出席香港教育學院2007-11嘅畢業晚會相就流出，同佢合照嘅，竟然係第一屆巨聲幫鄧小巧!

相入面小菌着住低胸裙露事業線，鄧小巧仲好鬼馬咁作狀錫小菌咪咪，而小菌身形都幾橫，感覺好似近期縮咗水咁。

今日龍小菌透過電話承認同小巧係同學，佢話：「我哋係大學同班同學，都係讀中文，以前一齊參加學校嘅歌唱比賽，不過近年較少聯絡。」咁之前小巧知道佢就係龍小菌？佢話：「佢知，唱歌把聲聽得出。」





逢周五隨《蘋果日報》附送嘅時尚美容雜誌《add》第八期經已出版，封面是趙薇，大家可以上《add》嘅官網 http://add.appledaily.com睇足本網上版。除咗有趙薇專訪，仲有好多時裝靚嘢睇！