播完群星好友送給羅文懷念之語後，紀念騷先由羅文大徒弟容祖兒出場。她穿上吊帶背心長裙現身，先獻唱恩師經典之作《前程錦繡》，並請全場觀眾一起拍手，還說:「佢一定會聽到。」

唱完《留給這世上我最愛的人》後，祖兒憶述與恩師一段忘年之交。她說:「當年係1999年，地點係同呢個地方一模一樣，叫做會展，當時叫做hall3。咁快咁快就已經係15年，我覺得時間係好快，但老師喺我心裡面，一直冇離開過，因為佢每一句說話，佢同我講過嘅嘢，每一句我都覺得好受用。直到今年，我入行15年喇，我覺得佢成日喺我腦海出現，為我打氣同加油，俾好多好多力量我，亦都……我好記得當年，佢介紹咗好多好多朋友俾我認識，當時我仲係一個豆釘。我相信今晚佢好多朋友都應該喺度啩，好多謝你哋。」

祖兒又謂，希望大家今晚抱著去派對的心情出席，因為恩師生前最愛熱鬧，故望大家別吝嗇掌聲，還要跟著唱。之後祖兒獻唱出道十周年那時、翻唱羅文的一首歌。祖兒說:「呢首歌，喺我好細個嘅時候睇佢呢個MV，我都會好開心，好型呀，佢會唱呢啲歌，覺得佢好多元化，所以到我有機會翻唱佢嘅歌嘅時候，我就揀咗呢首歌。」這歌就是《JustForYou》。