地產多聲道：藍澄賣九百伙中記佔三成
蘋果日報 2003/06/19 00:00
和黃青衣藍澄灣銷售成績理想，到𠵱家已經賣咗九百幾個單位，中原佔咗三百三十間，其中屬地膽嘅葵青及東涌區就做到一百六十六宗。助理營業董事周永輝（Fred）話，由麥成輝領導嘅青衣城D組最威，十二人做成五十一宗。個人最叻係蔡健雄，做咗十一間，包括三間藍澄天，佣金近千九萬。藍澄灣八成買賣都係佢哋促成嘅，共十一間。
阿Fred話因為公司喺青衣區做得耐，熟客多，有着數。好似曾幫襯佢哋租盈翠半島嘅客人，現月租八九千蚊，若果畀三成首期買藍澄灣，月供只係五千蚊，就算用首期畀半成嘅方法入市，月供同租樓差唔多，所以吸引佢哋轉投藍澄。另區內公屋同居屋客也唔少。
另外，利嘉閣青衣城分行經理李華傑話，一名二十幾歲嘅鰂魚涌南豐新邨業主，最近買咗個藍澄三座中層A室後，再介紹佢嘅姊妹同表姐一齊入市，總共買咗四伙，合共六百二十幾萬。
元朗唐樓拍賣會執筍貨
拍賣場係執筍盤嘅地方，好似日進測量師行噚日舉行嘅拍賣會，聽執行董事黃浩才講，元朗福順樓4樓1號室，開價15萬，拍咗兩口就以16萬成交，面積385方呎，實用率約九成，呎價只係416蚊，嗰區市價起碼要800蚊呎。佢話買家諗住用嚟收租。
福順樓位於屏會街23到25號，位置都唔差。樓高5層，一梯兩伙，冇𨋢，喺77年落成。黃浩才話，單位唔係凶宅，業主一直揸住收租。佢重話，估唔到咁快就成交。
阿Fred話因為公司喺青衣區做得耐，熟客多，有着數。好似曾幫襯佢哋租盈翠半島嘅客人，現月租八九千蚊，若果畀三成首期買藍澄灣，月供只係五千蚊，就算用首期畀半成嘅方法入市，月供同租樓差唔多，所以吸引佢哋轉投藍澄。另區內公屋同居屋客也唔少。
另外，利嘉閣青衣城分行經理李華傑話，一名二十幾歲嘅鰂魚涌南豐新邨業主，最近買咗個藍澄三座中層A室後，再介紹佢嘅姊妹同表姐一齊入市，總共買咗四伙，合共六百二十幾萬。
拍賣場係執筍盤嘅地方，好似日進測量師行噚日舉行嘅拍賣會，聽執行董事黃浩才講，元朗福順樓4樓1號室，開價15萬，拍咗兩口就以16萬成交，面積385方呎，實用率約九成，呎價只係416蚊，嗰區市價起碼要800蚊呎。佢話買家諗住用嚟收租。
福順樓位於屏會街23到25號，位置都唔差。樓高5層，一梯兩伙，冇𨋢，喺77年落成。黃浩才話，單位唔係凶宅，業主一直揸住收租。佢重話，估唔到咁快就成交。
發展商為促銷單位，真係諗「橋」諗到頭都大埋，恒基同新世界嘅中半山豪宅麥當勞道11號（圖二），今晚喺現樓舉行「SummerMasquerade」派對，重請埋城中名人嚟欣賞名畫同睇時裝表演。
講開恒基，佢哋噚日就邀請利嘉閣「至尊豪宅」組同事，一齊去睇旗下豪宅盤，包括中半山富匯豪庭、何文田京士柏山、尖沙嘴豪峰軒、九龍塘對衡道9號、大埔淺月灣同比華利山別墅。
利記一行五十人，恒基要出動兩部旅遊車至掂。恒基好重視今次嘅活動，事前到利記總部介紹成個鐘至出發睇樓，由助理總經理林達民帶隊。
呢排城規會有好多工廈申請轉做酒店，睇嚟遲啲市場又話會酒店供應過剩。發展商咁做，主要原因係工地唔可以起住宅，起寫字樓或起番工廈，又冇「錢」途。惟有起酒店，起碼價值高過起工廈先。就算冇旅客入住，都可以租畀本地客，計落回報隨時有七八厘，十年就回本。
若果個個發展商都咁做，買樓收租嘅投資者就有難啦。不過，大家唔使咁驚住，發展商好多時都係一窩蜂咁做嘢嘅，最後有幾多個落實，重係未知數。
世衞重未解除對北京嘅旅遊警告，但當地嘅消費力已經開始回升，長實北京東方廣場商場「東方新天地」嘅食肆，中午時段重出現排隊人龍㖭，大部份食肆生意都漸趨正常。
因為「沙士」嘅緣故，市場出現一種新經營模式，就係送餐服務。「東方新天地」有六成食肆，差唔多二十間都有呢種服務，當中有啲重搞埋網上訂餐服務㖭。
蘭西
電郵地址：
圖二