剎那間失去相依二十七年的老伴，李伯悲傷的心情委實難言。「我真係唔明，有乜事都好，我哋都可以一齊捱，點解要死，點解要扔低我一個。」淚水不斷在眼眶內打滾的李伯，緊緊咬着雙唇說。
年近六旬的李伯，二十多年前認識當時剛失婚的鄧美娟，不久即結為夫婦，兩人雖無所出，但鶼鰈情深。據李伯透露，夫妻原一起在製衣廠工作，其後工廠北移，行業式微，兩人才興起創業念頭，兩年前於深水埗經營菜檔。「真係好後悔搞咗呢個檔口，唔單止搵唔到食，重累死我老婆。」
經營菜檔虧蝕嚴重
由於缺乏營商經驗，且市道疲弱，菜檔兩年多來一直虧損嚴重，為幫補家計，李伯早前已轉任護衞員，檔口交由妻子獨自經營，惜始終未能扭轉劣勢，加上近日業主勒令收回舖位，菜檔面臨結業，為此鄧婆婆顯得憂心忡忡。「佢為咗呢件事好唔開心，成日話連累咗我，但我真係諗唔到佢會咁儍。」日前，飽受困擾的鄧婆婆擁別丈夫後，從寓所跳下輕生，結束寶貴性命。
鄧婆婆猝然離世，不但傷透了李伯的心，李伯還要為突然而來的殮葬開支費神。「𠵱家殯儀館話殮葬費同骨灰龕要一萬二千元，一下子我真係攞唔出。」