由李英愛、宋承憲、吳允兒等主演嘅SBS穿越劇《師任堂,theHerstory》，雖然明年9月先有得睇，但係今日愛姐同宋承憲就現身江原道江陵市出席新劇嘅發佈會，呢對被形容為國寶級嘅拍檔現身，即時吸引不少傳媒到場採訪，場面墟冚。

愛姐穿上復古得嚟又典雅嘅連身裙現身，佢張一把頭髮盤起，顯得明艷照人。而宋承憲就着上西裝示人，十分有型。宋承憲喺記者會上有提及同女友劉亦菲主演嘅電影《第三種愛情》得到好多人喜愛，佢話：「我喺內地首次拍攝嘅韓中合作電影上映，這本身都係非常有意義嘅事情。今次《師任堂》亦都一樣，李英愛前輩隔咗咁多年選擇嘅作品，係有佢嘅理由。今次作品《師任堂》嘅目的唔係為咗喺亞洲國家掀起韓流熱風。」

《師任堂》嘅故事會圍繞大學講師偶然間發現師任堂嘅日記以及可疑嘅美人圖，於是逐步揭開秘密嘅過程。