葉劉話:「佢(林鄭)嘅團隊知道林太籌到款,知佢收咁多錢;有乜理由嗰個Sandra Mak(麥黃小珍)收人10幾萬?你唔可以當林太係corporate (企業)咁計㗎嘛,佢(麥黃小珍)係冇election experience(競選經驗)……唔少嘢都報大數,我諗佢啲恤衫(T恤)成本廿蚊都唔使啦,啲人milk her(榨取林鄭)掠水囉!」
而葉劉自稱選舉開支好鬼慳;點解花咗1.8萬元喺化妝?佢解釋其實「冇咩特別化妝」,只係因為自己拍咗唔少短片,「去科學園、去南生圍,有個人跟住我,噴吓水,執吓防曬之嘛」。
葉劉噚日現身立法會時拐吓拐吓,原來佢話前日着衫時,突然坐骨神經痛復發,話以前喺美國都試過,諗住約做針灸治療喎!
李八方