近三星期的反送中示威，示威者「撤回」之聲響徹全港，惟港府完全未有正面回應包括撤回反「送中」條例、追究警察濫權等四大訴求。正值新一輪選民登記將於下月2日截止，示威者積極號召身邊港人登記做選民，甚至攻入各界功能組別，務求「血債票償」。全港反送中聯席今（29日）晚上於旺角擺街站，為市民即席登記做選民。除了有年輕人因反送中事件開始留意政治，即席完成登記手續，亦有中年市民因事件而希望成為「首投族」。

全港反送中聯席代表、新民主同盟譚凱邦，與聯席一班義工，今天晚上9時許在旺角擺「選民登記」街站，市民即席填妥選民登記表後，將會由他一併收集，親身交到選舉事務署。聯席義工兵分兩路，分別在旺角往火車站天橋，及百老匯戲院外擺街站，務求令更多人登記做選民。街站攤位亦貼有核對選民資料的二維碼，已成為選民的市民可用以核對個人資料。

譚指，今天選址旺角，目標是對準年輕人，「尤其係6月12號衝出過夏愨道嗰一班」。他提醒只要在9月25日前年滿18歲的年輕人，都能登記成為選民，相信今屆部份文憑試考生都有足夠資格做選民。以他所見，街站的「反應好好」，希望今天能吸引過百位市民成為選民。

譚預計，這批年輕的「首投族」和中間選民將會主導11月的區議會選舉，對民主派議員比較有利。以往年輕人對區議會並不熱衷，但他提醒區議會的力量不容小覷。由於現時18區區議會仍是由建制派壟斷，「但你睇到佢哋係關鍵時刻就會出賣港人，一地兩檢、反送中等等，就睇到佢哋會出聲明撐政府」，因此只要取得過半議席，已可謂「收復失地」，更有機會可全取行政長官選舉委員會中的過百個區議會議席，力量不容忽視。

19歲的鄧小姐即場登記做選民，因近日反送中事件才開始留意政治，一直有留意示威行動的直播。看到連日示威以及政府冷待示威者的態度，令她覺得「政府好似都唔會點理市民」。她認為最過份的是警察濫權的暴力行為，「做選民係希望救返香港」。

25歲的魏小姐偕友人陳先生一起登記，她笑言「我拉埋佢過嚟一齊登記㗎！」兩人同樣因反送中才有政治覺醒，魏形容事件是「悲劇」，尤其看到剛有大學生為事件跳樓犧牲性命，「政府都仲係唔肯撤回，係一件好sad（傷心）嘅事」。她希望自己小小的一票可改變政治局勢，「雖然一票唔係好多，但好多人嘅一票就好多」。

不願上鏡、42歲的陳小姐，亦希望成為「首投族」。她指以往一直有留意新聞，但現在才做選民，全因「殺到埋身」，「我都係唔講嘢嗰堆，但而家可能做少少嘢都會『瀨嘢』，同埋唔信中國法律，完全保障唔到自己」，擔心下一代遭殃才決意成為選民。另一推動她做選民的原因，是對建制派的不齒，「保皇黨真係不知所謂，顛倒晒是非，我唔知啲小朋友點樣生活落去⋯⋯再係咁落去，香港真係無㗎喇！」

對於今天有21歲女大學生寫下「反送中」遺書後墮樓身亡，譚表示在開街站前收到消息，她已是第二位以死明志的年輕人，感到非常難過，「唔希望再有第三位」。他呼籲年輕人「保住有用之軀，同呢個政權對抗到底，希望200萬同行嘅朋友一齊行、一齊贏」。

-----------------------------
七一遊行2019
主題：撤回惡法 林鄭下台
副題/口號：重啟政改 釋放所有政治犯 撤銷暴動定性 徹查612鎮壓
日期：2019年7月1日
集合時間：下午2時30分
遊行路線：銅鑼灣維園中央草坪至金鐘政府總部
主辦團體：民間人權陣線
-----------------------------
【登記做選民 7月2日截止】

網上登記：
。方法1（登入此網站 ，按步驟3分鐘完成）
。方法2（可用手機登入，在選舉事務處網頁打開REO-1表格，使用免費手機應用程式Adobe Fill & Sign打開表格，再按指示填寫資料，按儲存文件並以點擊分享，再電郵至 [email protected]）

詳情可參閱選舉事務處網頁：
https://www.reo.gov.hk/ch/voter/gcnr.htm

-----------------------------
7月4日起 《蘋果動新聞》只限升級壹會員閱覽
繼續撐蘋果！