利物浦今季英超就拎到第四位，下季就可以出戰歐聯，講起紅軍打歐聯，05年神奇法定時間3:3逼和AC米蘭，最後互射12碼勝出，都仲係津津樂道，當年紅軍翼鋒基維爾當然已經收山，周一英乙份子卡維尼就宣佈，搵呢位前澳洲國腳做領隊。

基維爾早喺14年已經喺墨爾本雄心收山，之後就去咗屈福特做青年軍教練，今次就有機會坐正；卡維尼原教練杜美日前就宣佈辭職，據報已經搵咗基維爾坐正，雖然以卡維尼只不過係細會，今季仲只排英乙19位，不過對吸引吓領隊經驗都唔錯。