【人馬第三度合作】「精彩」操練告東尼全程睇實！潘頓再騎等開齋
蘋果日報 2020/03/20 11:15
沙田開齋潘頓告東尼第二場天天精彩人馬第三度合作
周日（22日）沙田第二場四班1600米，告東尼馬房「天天精彩」今趟繼續用潘頓搏殺，值得重視。
今朝（20日）6點半左右，告東尼喺飛機坪出口等待「天天精彩」出圈操練，然後就到烽火台觀看馬匹走勢。
之後告東尼就同副練馬師一齊踩單車跟隨馬匹返馬房，非常緊張呢隻戰馬。
「天天精彩」前仗（2月16日）初配潘頓跑第八，再出（1日）再於潘頓胯下有進步跑第四。
今次潘頓繼續摸實唔肯放手，人馬第三度合作，相信勝利在望。
告東尼（右二）與副練馬師（右一）望住天天精彩（左二）課罷回來
天天精彩周日續由潘頓執韁上陣