【凍結星火】612信託人吳靄儀感震驚：超市現金券同洗黑錢有咩關係？
蘋果日報 2019/12/20 12:33
吳靄儀抗暴之戰
警方昨日高調會見傳媒，稱支援被捕抗爭者的星火同盟涉及「洗黑錢」，將其7,000萬資金凍結，並拘捕3男一女。另一支援被捕人士的612人道支援基金，其中一名信託人兼大律師吳靄儀今早接受商台節目訪時表示對此感到震驚，批評警方並沒有證據顯示星火同盟洗黑錢，又質疑警方指在現場搜出的13萬現金及3,300張超市現金券等物品，「呢啲同洗黑錢有咩關係？」
吳靄儀表示，早已聽聞過政府會以很多方法打壓支持抗爭的基金，「依家咪見到政府做緊呢啲嘢囉」。被問及會否憂慮612人道支援基金也遭遇同樣的打壓時，吳指政府的行事令人防不勝防，「我哋會定期喺Facebook有財務簡報，盡量會喺保密範圍入面做到最大透明度，開支全部都有好清楚嘅紀錄」。
吳靄儀指不能亦沒有必要公開受捐助者的資料，認為受助人資料必須保密。她指基金有與真普選聯盟有限公司簽合約，委託其戶口處理基金開支，並於開立時已知會銀行有關合約及宗旨，「我哋會盡量做到會計師需要我哋做嘅嘢」，指會計師要求基金清楚列明每項數目，「等佢知道啲錢唔係袋入我哋嘅袋或不知所終」。吳指612人道支援基金的運作方式與星火同盟有所不同，但不能由於做法不同而稱對方的方式是有問題，「然後就話佢洗黑錢，凍結銀行戶口，呢啲完全係好大距離嘅事，完全係無根據」。
吳指現時政府不能阻止義務律師及律師會見被捕人士，故透過凍結資金以令被捕人士無法付出律師費，斥此舉是「司馬昭之心路人皆見」，並稱不能因為購買個人投資保險產品就指控為洗黑錢，「洗黑錢好多時係有一大筆現金入咗戶口，之後唔知去咗邊，依家係大家都好明白呢個係公眾捐錢，捐錢就梗係用現金去捐，有時用支票寫落銀行戶口，呢啲係市民大眾覺得好正常，用保險作為一個投資工具，我都唔係未聽過，呢個無論如何都唔係洗黑錢嘅證據」。
612人道支援基金在法律援助方面至今已支出390萬，緊急經濟支援、醫療、借出保釋金等項目都有一一列出。被問及會否擔心警方是次行動會導致市民對於捐款卻步時，吳指看到市民的反應是「更加激氣、更加嬲，唔會從此驚咗就唔畀錢」，又指若凍結一個基金，必定會有另一個基金再出現。
對於星火被捕，民建聯立法會議員周浩鼎指摘民主派議員企圖淡化其法律後果，質疑該組織一直以金錢支援非法示威者購買武器，或在示威後給予示威者報酬，可能干犯《有組織及嚴重罪行條例》，又懷疑有心人利用組織內的資金作私人牟利之用，有干犯盜竊罪之嫌，促警方應嚴肅處理及檢控，以「堵截非法暴亂嘅財政來源」。
