現年30歲嘅韓國搞笑藝人洪允和，日前同拍拖8年嘅男友金民基拉埋天窗，而婚前肥嘟嘟嘅洪允和為咗着上靚靚婚紗而積極減肥，於8個月內成功減咗30kg(66磅)。

不過事實上洪允和之前一直好食得，仲不時玩「吃播」，即邊做直播邊吃大量美食，「吃播」喺韓國同大陸都成為熱潮，唔少人都靠「吃播」來吸引人睇直播，從而賺錢。而根據韓媒報道，近日喺一項問卷調查中，有超過80%嘅韓國人都認為吃播係導致國民肥胖率上升嘅社會問題。

韓國某健康保險公司近日向近2千人進行問卷調查，有84.9%被訪人士覺得「吃播」令到國民越來越肥，而有關方面亦請政府部份應該實施措施管制「吃播」。

精選韓流，喺晒《娛果》
http://fb.com/appledailyent