周日在香港體育館舉行的姚基金慈善賽，Nike星銳隊對中國男籃明星隊。在第三節，雙方改派小學生出戰，而場上的球籃亦換上較矮的，以遷就小學生的身高。兩隊小學生打了一會，J安達臣及周琦入場，各帶領四個小球員比賽，J安達臣更幫助小球員入樽！看見NBA及中國的籃球球星突然變成小朋友，連登討論區的網民紛紛表示笑了，睇到「O晒嘴」，他們為真金白銀買票入場的球迷感到不值。不過，據資料顯示，原來姚基金慈善賽慣常會在第三節讓小學生上場打波。

網民意見：

爸爸忙什麼：「畀錢入場睇小朋友打波。」
毒立：「畀錢去現場睇真係做善事。」
古巨基JoeL：「畀7.800睇小朋友打。」
高橋岸：「馬騮搶波就留番返學PE堂先玩啦。」
Byliner：「七千幾睇小學雞。」
抽波仔：「現場嗰啲點忍到唔嗌回水。」
Flyhigh：「智商要幾多先諗到呢個環節？」
竹渕慶：「班觀眾係咪苦中作樂緊？」
美祿：「幾千蚊睇馬騮戲！」
首歌唔易唱：「掟壽包啦！」
蓋世寶X老母：「侮辱觀眾...」
裴柱現額頭勁靚：「隔住個mon都覺得伏。」

資料來源：連登討論區