張敬軒遮遮炮製cute版鷹 挑機倪晨曦「蘋果天鵝」
蘋果日報 2020/12/02 18:32
早餐界KOL張敬軒遮遮白粥烚蛋前黨委書記倪晨曦
有「早餐界KOL」之稱的張敬軒（軒仔），新聘請的外傭「遮遮」每日精心炮製的早餐，幾乎成為大家瀏覽的一部份，為了令「遮遮」的廚藝更上一層樓，倪晨曦和DJ朱薰紛紛挑機，朱薰晒出外傭姐組為她準備愛心飯盒。
倪晨曦在IG限時動態貼一段短片並tag軒仔留言：「我讓姐姐切水果，她雕了個天鵝，蛇（Sir）你今日想食乜嘢呀？」軒仔即回覆：「我今晚返去叫佢(遮遮)雕隻鷹出嚟你睇嚟呀你，你叫你隻鵝等住嚟。」
「遮遮」收到軒仔order立即「做嘢」，遮遮整了一隻cute版鷹，她用香蕉做頭、蘋果做翼再用去皮的奇異果做身體，外形欠缺英明神武，但勝在以cute取勝，可惜軒仔拍了一輪短片後，cute版鷹「陣亡」了！不過好戲當然在後頭，軒仔再post早餐相，遮遮繼續為軒仔準備白粥烚蛋，不過剝蛋殼「搣到一忽忽」，賣相一點也不吸引，軒仔笑稱快堅持不住：「對於一個偏執狂嚟講，啲蛋殼唔離蛋個血壓標昇(飆升)指數係500！」此外，朱薰亦tag軒仔晒出家傭為她準備的有肉有菜和卷蛋的撈麵飯盒，軒仔扮嬲回覆：「肯肯定係喺城市超級度買咗裝落個兜囉我覺得！」
另一方面，剛剛開完紅館騷的軒仔，表示完騷翌日已回公司工作，本來很多關於個騷的事情想講，但是又講不出，後來軒仔又在IG貼出爸爸吹簫的相片：「介紹返我老竇，如果唔係疫情我哋父子本身會第一次同台。」軒仔在2017年曾貼出為老竇慶祝70大壽的相片，他表示父親是前黨委書記，母親曾是交通糾察，父母現已退休，媽媽更曾為兒子擔任經理人。
倪晨曦向軒仔的「遮遮」挑機。（IG截圖）
結果「遮遮」整了一隻cute版水果鷹。（IG截圖）
不過「遮遮」的cute版水果鷹很快便「陣忘」！（IG截圖）
想不到好戲在後頭。（IG截圖）
軒仔在完騷後似乎有點失落！（IG截圖）
原來軒仔本來計劃與爸爸同台演出。（IG截圖）
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！