早排有大陸製作人向媒體爆出影視圈出現一位「數字小姐」，話佢係一位一線女星，拍電視劇從來唔肯記對白，只會說：「1234！1234！」製作人指此女星曾經俾合作嘅某男對手演員當場狠批唔專業，聲明唔會再同佢合作，後來有傳話呢個女星係姓唐嘅。

今日又有大陸媒體爆料，除咗數字小姐，其實仲有一位數字先生，佢就係霍建華，胡歌曾經接受訪問話佢老友霍建華，有唔背台詞嘅毛病，只喺現場模講1234，唔知佢同一向認真嘅周迅拍《如懿傳》時，敢唔敢只講數字呢？

其實好多演員覺得反正劇拍完都會重新搵人配音，好少係出原聲，所以佢哋覺得唔記對白都冇乜所謂，索性講「1234」嚟帶過，但一個專業嘅演員係唔會咁做，而且你會令對手難於入戲，所以有啲專業演員遇到呢類對手，可能會即時同你反枱。大陸老戲骨李雪健從藝30餘年，向來都堅持用自己嘅原聲，而且會寫喺合約度，就係為咗自己嘅表演能有更完整性。

精選娛聞，喺晒《娛果》
http://fb.com/appledailyent