「邊會諗到張床褥會瞓瞓吓出水咁誇張㗎！」《蘋果》讀者王先生於三月二十三日，在沙田希爾頓中心實惠公司，以約一千五百元購買一張雅蘭床褥；怎料日前發現，床褥表面竟然「濕𣲷𣲷」，嚇了一跳。

「㩒落有水唧出嚟」
他表示，初時以為天氣潮濕，令他以為床褥表面冒出濕氣，但後來他無意中翻開床單，發現床褥表面果真有一層濕氣。他語帶不滿地表示，「你用手㩒落張床褥上，就會有水唧出嚟，而且重有陣味㖭！我太太重皮膚出疹㖭。」
他即時向雅蘭床褥投訴，但他不滿職員的解釋，「佢哋話係因為床褥裏面嘅防火物料，喺潮濕環境下先會咁，但係好多牌子嘅床褥都有呢啲物料㗎啦，又唔見我以前用嗰啲係咁！」而且他在未發現床褥出問題前，家中已經常開抽濕機，職員稱只要在室內開動抽濕機便不會冒水氣的方法，根本就行不通。