42歲奧斯卡影帝里安納度狄卡比奧（Leonardo DiCaprio）一向鍾情金髮長腿模特兒，仲會不停換畫，近日同時傳出佢搭上兩位年輕辣模Elizabeth Turner同Lorena Rae，不過喺美國時間周六淩晨，里安納度就被拍到拖住舊愛德國模特兒Toni Garrn，似乎兩人已經翻撻。

里安納度曾經同25歲嘅Toni Garrn喺2013年相戀，但係戀情只係維持咗大約一年半喺2014年12月就玩完。周六淩晨，里安納度被拍到同Toni Garrn十指緊扣離開紐約嘅夜店，睇嚟有意公告佢哋已經復合。