32C黃榕同32F尹蓁晞（Yumi）兩位暴乳o靚模，經常成為電影吸晴之選，佢哋最近同林盛斌（Bob）一齊拍攝電影《江湖三儍》，噚晚仲喺深圳拍煞科戲，兩女着bra top拋胸，配短牛仔褲晒腿，雖然近日天氣回暖，但深圳街頭半夜都好食風，黃榕今日同《蘋果》話：「我全身都黐咗好多暖包先冇咁凍。」

黃榕話呢次開工，對手個個都好nice，尤其搞笑高手Bob，成日鏡頭前後都引大家發笑，現場充滿歡樂氣氛，黃榕仲話：「Yumi好高，佢特登着咗平底鞋就我，而我就要着6吋高跟鞋，我條牛仔褲好短，工作人員猛影我面，我變咗『影後』。」