謝安琪暫別樂壇都唔係第一次，2006年底，出道未夠兩年嘅謝安琪喺經理人同唱片公司高層陪同下開記招，宣布懷有三個月身孕，仲決定暫別樂壇。喺2017年1月謝安琪大住肚開埋音樂會之後，就正式暫別樂壇半年養胎，到咗年底先至復出。

事隔9年，喺今年年初有傳謝安琪身形暴脹，疑似有喜，當時謝安琪匈矢口否認。不過唔知係咪因為有喜傳聞令到謝安琪心郁郁，喺4月開演唱會時謝安琪突然宣佈再暫別樂壇，仲話要用一年時間休息，仲暗示有意追多個Bo添！

暫別後嘅謝安琪不時同老公周圍去，5月佢就同老公睇籃球比賽，仲激動到企起身嗌，而其他時間就食得就食，真係食唔停口。

早前謝安琪睇完林海峰嘅talkshow仲喺facebook留言：「可能Jan叔叔都覺得我又肥又圓又乖乖，你睇佢笑得幾開心。」睇嚟謝安琪今次暫別就好似上次咁要為生B做準備！