【經典重現】溫碧霞麥德和難忘多場偷拍戲 輕鬆面對票房
蘋果日報 2020/06/24 23:25
溫碧霞麥德和靚妹仔
溫碧霞首部電影《靚妹仔》再獲安排上映，她說要親身支持。
由麥當雄監製、黎大煒執導、文雋編劇、溫碧霞、麥德和等主演的經典港產片《靚妹仔》，在1982年上映時，大賣過千萬票房，相隔38年，明天再度在港上映。今晚溫碧霞、麥德和及麥德羅在奧海城出席VIP場。
溫碧霞指這部戲是第一部作品，當年15歲，她說：「我記得係自己最反叛嘅時候，因為父母管得我好嚴，喺調景嶺住嘅時候，冇乜接觸外面嘅世界，到中學嘅時候先搬出嚟，見到呢個花花世界好想走出去有自己嘅自由，冇諗到喺街遇到星探。」
對於電影相隔38年再上映，溫碧霞表示好感觸：「呢部戲改變咗我一生，入行之後，我嘅生命同以前唔一樣，我愛上咗演戲，而且個人乖咗，專心做一個演員，因為屋企環境唔係咁好，好想快啲出嚟做嘢幫屋企。」會否獎製作人身份重拍這部戲？她說：「冇諗，呢個經典好難再超越到，我哋5個女仔都係新，拍攝手法亦好大膽，好多場戲都係偷拍，有場戲跳地鐵，後來俾人發現咗就被趕，但我哋都拍完。」麥德和笑說：「有場海底隧道嘅戲，都係工作人員頂住啲車，唔畀啲車過，後來咪又被人趕走。」
當年收過千萬票房，又獲提名多個奬項，如今再上映，會否有票房壓力？溫碧霞表示：「冇乜壓力，而家好多舊戲都上番，我哋唔會擔心票房，純粹係支持自己第一部戲再上映。」溫碧霞指拍這部戲時，與各位演員都是好朋友，可惜之後各散東西，沒再聯絡，不過在一次碰面中，得知其中一位演員葉璇已出家，溫碧霞說：「好surprise，但戥佢開心，因為見到佢對好多嘢都釋懷。」
問到老公何祖光有沒有看過《靚妹仔》？溫碧霞笑說：「應該冇睇過，因為佢應該當年喺外國。」她笑指麥德和跟以前一樣都是怕醜，麥德和笑說：「以前啲男仔女仔都好純，掂吓手仔，我都會面紅。」
-----------------------------
左起：麥德和、溫碧霞、麥德羅今晚出席《靚妹仔》重映活動。
溫碧霞稱電影再上映，完全沒有票房壓力。
麥德和指以前很純情，掂到異性的手都會面紅。