吳業坤今日喺商台宣傳新歌《精裝追女仔》，佢表示雖然新歌MV已推出，但佢從未睇過完整版本，皆因佢喺MV中同日本女優有餵食嘢、單眼、飲埋同一杯嘢飲，令佢覺得有啲尷尬。講到日本女優嘅水着look只有1、2秒，坤哥笑住話：「夠㗎喇，太多就唔好！」

喺新歌MV入面，有一隻類似《皆大歡喜》成班人一齊跳舞嘅舞蹈，坤哥表示會開班教跳舞，屆時佢會親自教授，招募對象係不限年齡同性別，學識之後，可能月尾約埋一齊快閃，佢話：「今次我係第一次跳舞，我唔想咁靜態，我想除咗唱歌冷外，同大家可以互動性多啲。」問佢本身識唔識跳舞？佢笑住表示：「我天生唔得，但我會後天努力，我都想以後有快歌，可以跳得有型有格。」

精選娛聞，喺晒《娛果》
http://fb.com/appledailyent