今日有報道指盛傳懷孕嘅張栢芝，重返教會兼成為活躍教徒，又設計咗一套命名為「我是罪人」嘅首飾送畀劉美娟、鄭秀文及鄧萃雯等好姊妹。

栢芝今日接受劉美娟喺DBC數碼電台主持嘅電話訪問時表示，現時冇懷孕：「我今朝睇報道，我見到啲首飾曝光都有啲愕然，已經係半年前嘅事，一直都冇人知，所以好奇怪會有人見到。」

佢又話：「我好多謝佢哋講咗呢件事出嚟，好似為神做咗一件事，係一個好好嘅分享，登我嗰張相都好靚。」栢芝又話首飾係非賣品，只會送畀朋友，每套均有刻名。