當年今日
關於我們

【會過去的?】小方話仲關心Stephy 超蓮:關我乜事,完全唔關我事

蘋果日報 2016/11/10 17:20

stephy鄧麗欣何超蓮方力申何猷啟

何猷啟首次創業大搞機甲核心手機遊戲,今日喺灣仔舉行發佈會,孖生家姐何超蓮都有撐場,而另一位家姐超雲就因為有工作在身,未能親身到賀。
講到細佬創業,超蓮就大讚細佬好叻,佢話:「我都有幫佢影嘢,遊戲有一個角色係我,你哋估下。」身邊嘅猷啟就話超蓮對個角色好有要求,話家姐講明角色唔可以性感,仲唔可以露胸同露pat pat。猷啟忙創業,原來超蓮都好忙,佢話目前正忙於讀碩士同準備考會計師牌。
至於超蓮之前因為同方力申到尼泊爾慈善探訪而傳緋聞,超蓮就強調真係冇同方力申拍拖,猷啟都忍唔住開心護姊:「大家唔好誤會,方力申唔係佢鍾意嗰type,佢鍾意爹哋個type。」如果方力申力追有發展機會呢?超蓮話:「同小方係朋友,佢冇追我,將來有冇發展,咁講未來同任何人都有可能,冇嘢係冇可能,但o依家要俾心機做嘢同讀書,唔想拍拖住,真係有拍拖先話你知。」
超蓮仲話以後會避忌啲,唔會同圈中人玩得咁close,會避忌吓:「我知錯啦,嗰次真係去做義工,焦點擺錯咗,o依家人大個咗,唔想咁多八卦嘢,唔想咁多緋聞同花邊新聞。」方力申曾講仲關心舊愛鄧麗欣(Stephy),而Stephy又話想同方力申做番好朋友,超蓮話:「關我乜事,完全唔關我事,我唔知。」方力申仲話同超蓮係過去式,佢話:「冇過去,乜事都冇發生過。」