25歲嘅泰國混血索女Davika Hoorne（Mai），2009年簽約泰國第7台獲捧成電視台小花，入行後機會不斷，早已喺大陸吸納不少泰劇迷支持，當主演夥拍泰國男神Mario Maurer嘅賣座電影《嚇鬼阿嫂》後登上演藝事業高峰，同年獲頒泰國金天鵝獎嘅最佳女主角，Davika喺片中嘅索妻厲鬼形象令亞洲觀眾十分受落，同時喺中港台都票房驕人，香港上映時更登票房冠軍，當時Davika更被封為「泰國周秀娜」。

Davika最近再有電影《戀愛病發》（Heart Attack） 在港上映，今次由《下一站說愛你》泰國年輕編劇Nawapol Thamrongrattanarit負責執導，男主角係《我很好...愛死你》嘅Sunny Suwanmethanont，今次Davika飾演靚女西醫，喺泰國上映時為佢橫掃多個電影頒獎禮獎項，當中包括五個影后殊榮，電影更勇奪泰國國家電影協會獎共七個獎項，模而優則演嘅Davika近日到南韓首爾出席Asia Model Awards又再捧獎。