姜濤屋企睇Chill Club音樂會 影低滿屋雜物大意上載姜媽走光片
姜濤Chill Club音樂會
ViuTV今年將音樂節目《Chill Club》進化做頒獎禮,今個月初又邀請男、女歌手金銀銅在旺角麥花臣開音樂會,順便錄節目。今晚節目正式出街,在頒獎禮中得到男歌手銀獎的姜濤,就留在屋企坐定定陪姜媽睇電視,又接受姜媽評價,不過中途就發生小意外。
姜濤今晚在IG story上載片段稱要接受媽媽點評,他拍攝時將凌亂的客廳影晒入鏡頭,包括一大堆掛在走廊的衣物、ps5手掣、一盒savewo救世口罩、電視機旁的衣帽架掛滿大大小小的袋,而電視機前就放了多個獎座,包括兩個新城獎座、三個叱咤獎座等。
姜濤陪姜媽睇《Chill Club》,包括他在音樂會演出《Master Class》及《一號種籽》的環節。不過原來姜濤拍片時太大意,不小心錄下了媽媽的「飛釘」畫面,姜濤之後在IG story解釋上載片段後才知道出錯令姜媽走光,但姜媽並不介意,而姜濤乖乖地沒有上載媽媽的點評片段,但姜濤亦有表示「媽媽開始皺眉了」,估計姜媽對兒子相當有要求。
姜濤今晚在屋企陪媽媽睇Chill Club,錄下家中凌亂狀況。(IG截圖)
姜濤上載片段才知道出意外,好彩姜媽不介意。(IG截圖)
姜濤月初出席Chill Club音樂會,今日終於在節目上播出。(資料圖片)
-----------------------------