好多老闆覺得朝9晚5早已經名存實亡，7-11先至係打工仔每日工作時間表。不過，地產商新世界集團嘅第三代揸Fit人就唔認同呢種做法，佢話要替集團帶來工作要有樂趣，生活需要平衡嘅企業文化喎。
鄭志剛最近同同事大談工作與生活嘅哲學，佢話大學畢業後去咗一間投資銀行捱世界，開工第一日，上司開宗明義話嗰度係日夜顛倒、7天工作、24小時服務嘅戰場。幾年後，鄭志剛慢慢習慣沒日沒夜嘅工作同生活，但人嘅圈子越來越窄，於是更加依賴工作。幾年喺外面嘅經驗，令佢體會到無論點樣忙碌，都要喺工作縫隙中尋找屬於自己嘅生活空間。