造星III總決賽丨ANSONBEAN被Ben傳染儍氣收埋記者錄音筆 陳葦璇大家姐照顧後輩
蘋果日報 2020/12/27 01:49
ANSONBEAN全民造星Ben冠軍陳葦璇大家姐照顧後輩
《全民造星III》由5月開始casting到昨晚總決賽，圓滿結束，比賽過程中一直比人認為單靠折骨舞的Ben（趙祥誠）未能走得好遠，最終令所有批評者跌眼鏡，成為今季總冠軍，與陳葦璇、ANSONBEAN同得17分總分，靠網上投票比例分出冠亞季。
三甲在賽後訪問時一片歡樂，陳葦璇依舊有大家姐、前輩風範，在訪問前幫Ben整理口靠，而陽光男孩ANSONBEAN相當活潑，但被Ben的儍氣傳染，順手將記者的錄音筆放入衫袋，令在場所有人大笑。
對於三人同分，ANSONBEAN說賽前沒有特別諗勝負或台上表現：「跟返老師講，相信自己，盡力做到最好，盡力去玩同表達。」而陳葦璇就讚決賽氣氛比綵排好，最終由網上投票分勝負，亦在她意料之外：「估唔自己民選有咁高，我自己自信心比較低。我之前形象可能比較硬朗，teammate可能了解我啲，今個節目幫助咗好多，好surprise大家都鍾意我。」
冠軍Ben除了是折骨舞王，有睇過節目都知Ben出名怕醜，訪問中多次語窒：「我真係估唔到，花姐話冇諗過我入十強，我廿強已經做咗我最想做嘅事所以今次我想enjoy個表演。由拍MV開始，你哋企晒喺前面，已經覺得自己肯定唔入。」他說心目中的三甲人選是ANSONBEAN、陳葦璇及Cloud：「頭先宣佈完亞軍之後，我都係諗唔會有我。」
一向儍氣的Ben，封王後眼濕濕，他戇直說：「我第一個感覺係感動……終於完喇！」又說最想返屋企瞓覺。他說比賽之前，沒有收過唱片公司邀請，但現時想法改變：「如果大家都想我唱歌，我都可以唱歌，有觀眾覺得我似林宥嘉，所以我都唱返佢嘅歌。」
ANSONBEAN朝氣勃勃，展示獎座陽光過人。
阿Ben封王後有感觸，但極速浮見「終於完喇」感覺。
陳葦璇由組合到個人發展，獲得亞軍成績非常好，她驚訝：「好surprise大家都鍾意我。」
陳葦璇在比賽過程中不斷幫助其他參賽者，在賽後訪問仍十分貼心。
活潑的ANSONBEAN訪問前將記者錄音筆袋起，令在場所有人爆笑。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！