相片解像度一向係數碼相機嘅標準，最近GrandVision推出了一部可輸出至1,200萬像素相片嘅數碼相機──EZShotE81+，雖然係用咗插值技術，不過由310萬像素CMOS，提高至過千萬像素輸出，巿場上都算少見！
機身設計係大路款式，機背設有一個2吋揭蓋式LCD，無論影人或玩自拍都無問題。除咗影相之外，另外重提供有多種功能，可玩埋DV攝錄、數碼錄音，返到屋企駁番電腦，又可當埋WebCam使用。拍嘢之外，機身內置有16MB記憶及SD/MMC插槽，接駁電腦後可上下傳相片及各類檔案，可兼任流動「硬碟」。
記者：許福合