【張達明畀面支持】自稱為人專一 楊玉梅聞亞視復活:公司o依家對我好好
張達明楊玉梅亞視復活家和萬事驚達Ming
張達明(達Ming)、楊玉梅同黎諾懿等,今日喺金鐘亞洲協會香港中心出席「亞洲影視合作新機遇」推介會,最近忙於拍攝新戲《家和萬事驚》嘅達Ming同楊玉梅特登畀面支持,電影中達Ming要化老妝同戴頭套,佢接受訪問時話 :「拍攝過程都幾辛苦,時間長,每日12個鐘,其他演員拍完就可以休息,但我拍完仲要落妝洗頭。」
每次要花近兩小時化妝嘅達明表示,好彩多得吳鎮宇同袁詠儀嘅護膚意見,等佢可預防因化老妝而皮膚敏感,又話今次電影自己碌盡人情卡:「始終係第一次,所以搵到好多朋友幫手,有契爺胡楓仲有家英哥,應該係近年最多人幫手客串嘅一套電影。」
至於楊玉梅就被問到亞視復活,佢話有留意,但自己o依家已經係TVB嘅人:「我個人比較專一,公司o依家對我好好,早前先同我renew合約。」
更多娛聞,喺晒《娛果》
http://fb.com/appledailyent
楊玉梅就話自己已經過檔無綫,對舊公司復活一事,冇乜特別意見。