黃浩噚日3點鐘坐車離開大埔寓所,由黑人保鑣陪同去咗尖沙嘴美麗華酒店,佢唔肯回應係咪去過警署銷案,繼續封口乜都唔講,黃浩喺夜晚6點幾離開酒店,繼續冇回應記者提問。但據知台灣花雕雞總店方面已派咗人嚟香港,前晚仲同黃浩開會,目前正考慮下周會有反擊行動。
另外,飯局發起人陳維尊嘅男友LMF成員李健宏,前晚喺尖沙嘴做小肥祝捷會嘅鼓手,佢見到記者時好避忌,仲拉起件衫遮樣。佢接受訪問時話冇嘢補充,又強調徐濠縈已代表佢嘅立場。有指女友同阿徐被警方邀請提供資料,阿徐就強調係報案,李健宏回應話:「佢哋講嘅就係事實,已經代表我哋,唔再講太多。」
撰文:馮仁昭