【本報訊】外界總把曾燕紅與珠穆朗瑪峯綑綁，只因她是香港首位成功攀上8848.44米世界第一高峯的女性。半年過去，這個一度閃耀在傳媒鎂光燈下的女中豪傑，卻說早把珠峯放下，「每個人都唔可以坐喺個頂峯度」。她已遠走瑞士和意大利挑戰越野賽，走進四川高海拔冰川。習慣獨個兒在極地暴走的她，上月又飛到大阪，擠在人群中跑人生首個全馬，她形容是人生突破，「跑馬拉松要控制速度，唔同跑山一味衝」。越過高山越過谷，女人四十，學習慢下來，她笑說邊跑邊欣賞沿途風景，原來好爽。
找曾燕紅接受訪問，要講機遇，只因過去半年，她不是關掉電話人在野，就是在飛機上。難得短留香港至聖誕，她卻馬不停蹄，訪問前出席講座與年輕人分享人生；訪問後又趕往與學生齊齊做減肥訓練。「我呢個學生成120公斤，講咗減肥5、6 年……冇嘢好得過陪佢一齊運動」。除了減肥，她又計劃與另一學生去寶島環島遊：「佢畢業喺台灣讀大學，我話點解唔趁機認識多啲呢個地方」，沒信心完成，就老師騎單車護航。
「鼓勵佢哋踏出第一步，同佢哋一齊行就好」。辭去教職，她說得最多的仍是學生。家住三門仔村屋，單身的曾燕紅與媽媽同住，登堂入室，偌大客廳空空如也，除了一櫃獎牌，家中沒半點雜物。「呢幾件外套，足以應付不同天氣，5,000米着呢set、6,000米着另一set，着嚟着去嗰幾件，我執行李只要10分鐘就夠」。對物質生活沒要求，只喜歡跑山，習慣定下目標就衝，就如當年參加毅行者，首年排尾二，翌年已17小時完成，一年之間，進步了足足30小時，未嘗不是一項紀錄。

「唔可以坐喺個頂峯度」

「唔係單單追時間，努力完成，到完成嘅一刻，其實已好感動」。重視訂立目標，但她直言，就算完成目標，亦未必等於走到終點，「珠峯後好多比賽，其實一年前已經報名，每個人都唔可以坐喺個頂峯度，放下一座山，繼續行另一座山就是」。由5月成功登峯至今，她參加了逾10個國際賽事，遊走於意大利、瑞士、法國，還有國內不同省市，其中四川四姑娘山的高海拔賽事，她更是中港台三地首個成功完成賽事的女將。
屢次創造零的突破，但她指最難忘的，反而是上月去大阪，跑了人生第一個全馬。「好多人以為我爬雪山，又年年參加毅行者，跑全馬易過借火，但其實唔係」。馬拉松講求均速，她卻總習慣衝衝衝。「過去受嘅訓練係唔好停唔好影相，停會危險，要盡快完成，完成後盡快離開」，跑馬拉松，教她學懂慢下來，調整節奏，欣賞沿途風景，「日本嘅馬拉松出名氣氛好，好多人打氣，沿途有人着住拖鞋跑，又有人着和服，都係好有心思嘅造型，好有趣」。
中學已是田徑校隊，擅短跑的她，是心急人，從來享受爆發狂衝的感覺。「上年返母校演講，先發現我同哥哥仍然係學校短跑紀錄保持者，講緊我哋已經畢咗業成20年」。對上有個哥哥對下有個妹妹，曾說三兄妹的運動細胞都不錯，只妹妹比較文靜，「細個我係肥妹，佢係鋼條型，佢中學冇練跑400米都跑到70秒，如果肯練不得了」。爸爸早逝，在單親家庭長大的曾燕紅，與在老人院工作的曾媽媽關係親密，「唔係佢咁義無反顧嘅支持，好多嘢我都未必做到」。
儘管家境不富裕，但無礙追夢。自2000年開始教書，她先後兩度辭職，一次留學澳洲攻讀環境管理碩士；一次隻身到廣西農村做義工。2010年重返舊校教書，與學生定下征珠峯之約，成就今日的她。原本，征服珠峯就像口號，她卻身體力行，由訓練到成功登頂，足足花了7年。2014年初次上山，剛到大本營就遇雪崩，2015年地震受重傷，再次失敗而回，翌年她乾脆辭職全力準備，今年5月終成功登上世界最高峯，學生為她成立專頁每日更新情況，傳媒爭相訪問。
站在世界之巔，她一直清醒，沒被沖昏頭腦，甚至往後因一次訪問，被不了解山上情況的網友指控「見死不救」，她也沒迴避，第一時間上電台解釋當時處境，讓外界掌握實際資訊，「爭議某程度可引發反思，深化討論，未嘗唔係一件好事」。就如4年三度登山，不因一再無功而返而消沉，反而努力令自己變得更強大：「每個人都會有個心魔，成日問自己：失敗咗點算？其實做好眼前就得。」大抵是這種運動員的心理質素，讓曾燕紅在走過高峯之後，仍能繼續越過高山越過谷，永不停步。
■記者呂麗嬋