徐淑敏（Suki）雖然係兩女之母，仲話要努力造人追馬仔，但佢身形依然弗爆，噚晚佢着咗紅色露肩短裙，同身穿蝙蝠tee嘅老公黃浩到中環食飯，Suki喺Instagram貼咗同三靚女嘅相，佢留言話喺中國會同公司職員食晚飯。話晒係老細請食飯，Suki都算識做喇。

食完飯，已經係夜晚11點幾，Suki兩公婆行咗去中環置地度等車，火辣人妻Suki自己開黃色林寶走，而黃浩就改坐四驅車，夫妻分道揚鑣——返屋企。