經常捲入抄襲傳聞嘅樂隊Mr.，近日又畀高登仔發現佢哋又疑似抄襲。Mr.最近幫一個網站做嘅專題，五子都用件衫好cool咁遮住塊面，不過高登仔發現，原來台灣樂隊五月天，早喺06年嘅大碟《為愛而生》嘅海報，都有類似嘅pose，又係五個一齊，構圖又確真係幾似嘅。

Mr.涉抄源頭自歌曲《Mr.Tam》極似外國樂隊BonJovi《It'smylife》，自此佢哋就經常捲入抄襲傳聞，有網民就封佢哋做「宇宙巨band」，因為連國際級樂隊都要坐時光機向佢哋搵靈感。

雖然話有時影相呢啲嘢係有潮流，可能都有類似，不過崩口人忌崩口碗，見唔對路，要醒目saynoo架嘛。