「神之馬壯」黎諾懿演「賤Han」深入民心，之後做埋《燦爛的外母》愛妻號暖男，算係「洗底」，咁現實中，佢就係一個錫囝錫到燶嘅爸爸!

黎諾懿自從囝囝「小春雞」峰睿出世後，有囝萬事足，今日佢喺Ig貼一條親子片「神之摩天輪」，見黎諾懿抱住「小春雞」，氹氹圈咁轉，囝囝笑得好甜，啲網民叫佢唔好再轉，怕一陣整到「小春雞」頭暈。

另一條片就見黎諾懿影咗囝囝個大頭，囝囝外貌似足爸爸，遺傳晒黎諾懿嘅DNA，眼仔精靈、面形尖尖，睇嚟幾俊俏，黎諾懿就話囝囝啲笑聲係「傳說中的魔音」。