由韓國神劇《太陽的後裔》女星宋慧喬孖朴寶劍主演嘅tvN新劇《男朋友》上周三首播，噚日播出第三集，今日播第4集，港迷稍後可於「黃Viu煲劇平台」同步追睇。

今晚《男朋友》播出第4集，承接上一集 首爾市長嘅女兒車秀賢(宋慧喬飾)喺古巴遇上平凡青年金振赫(朴寶劍飾)，回韓國後兩人因為食拉麵而傳出緋聞，之後喬妹到束草出差，朴寶劍連夜飛車到酒店搵喬妹，更大膽表白：「我想見你所以才過來。」感到驚慌嘅喬妹就話：「誰都想見我，真係件好事，但係知道咁樣係非常危險嘅話，我就當做冇聽過。」朴寶劍就話同喬妹相遇係巨大嘅緣份，喺異國遇上，再成為上司同下屬，係一種了不起嘅緣份。

喬妹同朴寶劍去到海邊，朴寶劍因為連夜揸車，所以攰極喺喬妹膊頭瞓着咗，喬妹就趁朴寶劍瞓着就話：「我從小就冇朋友，因爲媽媽好快就同朋友疏遠，咁樣係件痛苦嘅事，所以到此爲止。」事實上朴寶劍並冇真正瞓着，佢仲聽到喬妹之言。而喬妹嘅前夫因為去咗束草搵喬妹，就撞見佢同朴寶劍一齊回酒店，雖然佢耿耿於懷，但仍然協助喬妹處理酒店嘅事，又要求母親唔好再針對喬妹。

喬妹因為見到朴寶劍喺車站，一時失神就撞車，朴寶劍即時好擔心，但喬妹就唔領情，朴寶劍好進擊地捉喬妹上車，並送佢返屋企，之後專登等到搭正12點，向喬妹講生日快樂及送上生日禮物，但喬妹就冇收禮物，仲話會感到負擔，亦不想同要佢有任何關係，但最終喬妹就不忍心並收下禮物，原來禮物係唇膏。

此時公司亦傳出喬妹嘅緋聞，有匿名人士指喬妹利用權力同酒店年輕職員交往嘅文章。前夫媽咪個邊嘅人向喬妹單單打打，令喬妹大感難受，此時朴寶劍卻喺公司當眾大叫喬妹，並向佢展示笑容，之後大膽步近喬妹，笑言自己今日有啲錢，並邀請喬妹食拉麵，令到全公司嘅人都知道當日就係朴寶劍同喬妹約會。

相關新聞連結：
【第1集】 古巴浪漫初遇 喬妹夕陽下挨實朴寶劍
https://bit.ly/2QsFt9I

【第2集】喬妹重遇朴寶劍 兩人甜蜜食拉麵登熱搜
https://bit.ly/2EbSyi1

【第3集】朴寶劍漏夜飛車見喬妹 深情表白： 想見你所以才過來
https://bit.ly/2AXpjvj

精選韓流，喺晒《娛果》
http://fb.com/appledailyent