喺兩個月之前，肥媽Maria Cordero主持嘅TVB節目《大灣區 活好D》教人喺大陸食鯇魚魚生，肥媽同黃美琪食得津津有味，不過好快食安中心及衞生署衞生防護中心都喺facebook出文，呼籲人「切勿進食淡水魚生」，因為進食後有可能帶有致病菌或寄生蟲。（新聞連結： http://bit.ly/2EtNhSX ）

估唔到…只係兩個月…呢件事有翻版，仲要同樣嚟自TVB。

喺星期日（9日）由譚玉瑛同黃庭鋒嘅節目《香港原味道》，兩人介紹有流浮山蠔商設置完善的淨化系統，並即開即食流浮山生蠔，不過食安中心前日主動提及，蠔以過濾海水的方式進食，如在受污染的水域生長，很容易積聚細菌及病毒。只有採集自合資格產區，符合標準的蠔才能供人直接食用，即生食、只依靠採集後作淨化處理並不能確保蠔可供人生食。（新聞連結： http://bit.ly/2QuU2dF ）

不過TVB噚晚喺《東張西望》反擊食安中心，由主持陳庭欣同黃耀英讀出聲明，指當日介紹嘅本地蠔淨化工廠，係由漁農自然護理署提供技術支援，場內亦有設立實驗室，確保達至安全食用標準。聲明又指，食安中心同漁護署缺乏溝通，對本地蠔可否食用產生兩種說法。

雖然TVB拖埋漁護署落水，但漁護署就決定幫食安中心，今日漁護署喺facebook專頁度出post，強調：「我哋香港出產嘅蠔只適合熟食，而且資助條款訂明項目生產嘅蠔產品必須徹底煮熟後先可以食用，產品包裝上都有寫明架。」不過，漁護署都話一直好支持本地漁業發展，流浮山確係有優質蠔出產。

講到咁……唔知TVB可以喺邊到告枕頭狀呢？

精選娛聞，喺晒《娛果》
http://fb.com/appledailyent