【本報訊】日圓兌港元匯率半年內急升超過一成，售賣日本零食的連鎖店759阿信屋擬取消會員689折優惠。公司主席林偉駿接受訪問表示，日圓回升加上市道轉差，「繼續落去會頂唔順」，故此下月開始會將店內大部份貨品劃一以公價發售，意味會員優惠將會消失。

貨品下月公價發售

林偉駿接受查詢時透露，自下月起陸續把大部份貨品，由目前分超抵價、公價、街坊價、正價共四類售價，統一以公價發售；他解釋，取消原有優惠主要原因受日圓回升，加上經濟轉差影響，「上述玩法繼續落去，（公司）會頂唔順」。
現時，阿信屋四種定價的毛利率各有不同，最便宜的超抵價貨品，價格為成本加上25%至30%；其次為公價貨，以貨品成本加上35%至37.5%計算，最貴的正價貨品為成本價加上42%至43%。
下月統一以公價發售之後，現時提供的會員正價9折優惠將會取消；此外，阿信屋經常在周六、日推出的會員689折優惠亦會一併取消。林偉駿又補充指，下月起公價亦調整至成本加上32%至36%。
以來貨價100元的泰國香米為例，過往的售價介乎125元至143元，扣除會員9折後售128.7元；而統一公價之後，將加價至最少132元，平均加幅大約2.6%。不過，林偉駿指正構思推出新的會員優惠，購物滿一定金額後可享有88折。
事實上，部份網民近月投訴店內的正價貨品越來越少，林偉駿坦言，自去年起已主動減少該類貨品比例，由去年約55%降至現時三成左右，解釋指「冇辦法，我真係冇暴利，如果我暴利就抵俾人鬧啦」。
過去半年，日圓兌港元升值逾一成，林偉駿指匯率變化對公司影響甚大，「如果我再做689折我死得㗎啦！你都唔想見到689啦」，他揚言「以後都唔會見到689，若日圓繼續回升，對公司來說非常危險，今次徹底改定價制度後相信可以頂到」。
由小店做起、2010年才開業的759阿信屋，早年因定價過低被供應商太古可口可樂公司封殺，事件經廣泛報道後引起港人關注，生意亦越做越大，至去年底時分店總數接近300間，幾乎「梗有一間喺左近」。
■記者倪敏慧

識睇睇留言

John Chiu：只要做好日圓及外滙對沖找數，根本就會少問題
Bangal Jaguar：打開了結業序幕！
Yin Chan：繼續幫襯，唔幫襯百佳惠康
Lok Rex：宜（𠵱）家佢個價同當初都差好遠啦！加價就加價！咪扮嘢！
Mary Leung：價錢始終比7-11、百佳、惠康、OK平啲啲
資料來源：《蘋果》facebook