李曼筠（Maggie）今午喺灣仔出席美容展美甲活動，佢話以前自己好怕整gel甲：「因為我好鍾意煮嘢食，好怕整完啲石會跌咗落去啲食物度，不過今次整完先知襯衫會好睇啲。」

問到將來工作，Maggie透露早前同經理人完約後，現時要自行洽談工作：「好叻女，我自己傾成咗一個上海旅遊節目，出年就會去上海同寧波拍，另外亦會有啲登台活動。」

佢又話今次由面試去傾合約，都係由自己一個搞掂，問到佢將來要一個返內地登台，怕唔怕危險？佢就話：「如果返內地登台，就會請個助手一齊去，一定唔會自己一個去。」

講到早前爆出藝人被邀飯局，Maggie坦言自己亦有收過此類電話：「佢問我有帇興趣做商演，但我聽完就覺得有古怪所以推咗，我同嗰個中介人都仲有keep住聯絡，叫佢有正常工作先搵我。」