原本今日唔只香港有馬拉松跑，連日本都有大阪及石垣島等地舉行馬拉松。上個月剛剛同F1賽車手畢頓結咗婚，做咗人妻嘅日本名模道端Jessica，今日都有湊馬拉松熱，佢唔係喺香港跑，而係去咗石垣島跑23公里全馬。

新婚嘅道端Jessica冇老公陪，反而搵咗髮型師陪跑，佢前幾日已經不停喺Instagram講跑馬拉松嘅事，仲晒埋啲裝備出嚟，睇見佢好似帶咗好多支防曬去跑，又戴帽又戴黑超，防曬功夫做到足。而道端仲得到個好靚嘅跑手號碼2222，跑完之後，道端話有啲位要跑斜坡，簡直跑到想喊，仲話全程都幾辛苦，但最終都以2小時17分完成，佢仲攞住個牌嚟做證明㖭。